الثلاثاء , فبراير 20 2018
الرئيسية / أعمال / شركات / ازاي تكتشف شغفك في الحياة

ازاي تكتشف شغفك في الحياة

مع كل الكلام اللي بتقابله عن ازاي تحسن من نفسك أو تنجح في حاجة بتعملها دايما بنسمع “follow your passion” لكن محدش اتكلم عن ازاي تلاقيه لو انت مش عارف ايه شغفك في الحياة، تكتشفه ازاي اصلا علشان تمشي وراه?!

– قبل أي حاجة متنطش بدماغك بعيد وانت بتحاول تكتشفه و تروح لمشروع كبير أو وظيفة، انت محتاج تركز على البداية، الخطوات الصغيرة لأن هي حاجة زي puzzle كدة ومش هتبانلك غير وانت بتحاول تحلها.

-محتاج تسأل نفسك كام سؤال الأول و تجاوب في ورقة قدامك

1) إيه اللي ممكن تتكلم عنه كل يوم من غير ما تحس انك زهقت أو تعبت!

2) ايه اللي بتحب تعمله!

3) ايه المنتجات او الخدمات اللي بتجذبك أو مهتم بيها!

4) مين الناس اللي بتعجبك في شغلها أو طريقة حياتها و ليه !?

5) نفسك تحقق إيه قبل ما تموت!

6) إيه نوع المشاكل اللي انت بتحلها كويس اوي?! بعد ما تجاوب على الأسئلة دي اكيد هتلاحظ موضوع معين شاغلك ده اللي هيقولك انت شغوف بإيه! –

أول ما تلاقي الموضوع او الشئ اللي شايف فيه متعتك، ركز عليه أياً كان بقى ( رياضة- موسيقى- قراءة- سفر- فن – تدريس …) مهما كان جزء صغير فهو مرتبط بحاجة أكبر و الخطوات اللي بعد كدة هتوصلهالك و تكتشف شغفك فيها، لو بصينا لأي قصة شخص ناجح هتلاقيها بدأت بخطوة بسيطة زي كتاب أو محاضرة و جيه منها الالهام للنجاح اللي وصلوله في النهاية.

– كتير مننا عارفين شغفهم فين بس دافنينه علشان المجتمع مش شايفها ‘مهنة’ فا بيبعدوا عن شغفهم بعد ما لاقوه و يدورا على اللي يقدر يكسبهم فلوس، و لازم تعرف الفرق بين شغلك و هوايتك بس مش غلط ابدا انك تخلى مجال شغلك مرتبط بهوايتك.

– لازم تكون فاهم النجاح بالنسبة لك معناه ايه، مش الناس شايفة النجاح هو ايه، أمشي ورا قلبك و اعمل اللي يناسبك أنت وكمله للآخر و متدفنش شغفك.

شاهد أيضاً

قصة الفهد اللي فشل في صيد اﻷسماك

حيوان من أسرع حيوانات الغابة ” الفهد ” أول لما طلع للدنيا لقى حيوانات الغابة ...

3 تعليقات

  1. كتير مننا بيحب حاجة و بيشتغل حاجة تانية بس ممكن تشتغل و فى نفس الوقت ندرس و تشتغل على نفسنا فى الحاجة اللى بنحبها هير كتير فى حياتنا و هير من روحا المعنوية و ده اللى هيلاحظه القريبين مننا المهم يكون عندنا إصرار و مننتبهش لأى حد يحاول يحبطنا مفيش حاجة اسمها مستحيل يمكن دى تكون نقطة البداية حتى لو كنا فى الستين

  2. انا بشتغل certified business coach and passion to businesses coach

    و اتكلمت عن الشغف و طرق ايجاده
    و بعمل تدريلات لاناس عشان تحول الشغف و المواهب و المهارات لبيزنس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *