ازاي تزود ال followers على انستجرام ؟!

الموضوع بيختلف لو انت عندك business و حابب تستغل انستجرام بأنك تسوق لشغلك ده علشان تزود ال brand awareness أو علشان مبيعاتك تزيد ، أو انت شخص بتحب ت socialize و مجنون صور وسيلفي بس مش مشهور على السوشيال ميديا و عاوز تبقى مشهور من غير fake likes أو fake followers . اولاً: في حالة ال business انت محتاج تعرف كذا طريقة تكسب بيها متابعين جدد و يفضلوا متابعينك كمان وهي انك – تعرض الحاجة اللي بتقدمها خدمة أو منتج .. الناس بتحب تشوف صور للي هيشتروه أو هيجربوه و الادوات أو المعدات اللي بتستخدمها.. يعني لو مثلاً makeup artist اعرضي المكياج اللي بتستخدميه و نوعه وهكذا. – اعمل share للصور اللي المتابعين عاملين فيها mention للمنتج بتاعك، ده هيشجع الباقيين أنهم ينزلوا صور فيها المنتج بتاعك. – اكتب hashtags جديدة و شجع المتابعين يستخدموها. – أسأل اسئلة في ال caption علشان تزود التفاعل على الصور. – حاول تنزل الصور بالأخص يوم الأحد و الأربعاء غالبا مبيكونوش زحمة، و احسن ساعات حسب كذا دراسة هي 2 am أو 5 pm. – اكتب link الموقع بتاعك في ال bio. – شارك متابعينك ازاي بيتصنع المنتج اللي بتقدمه ، أو طريقة التعامل مع الخدمة اللي بتقدمها، الناس بتحب تعرف الحاجة بيستخدموها جت منين? و يستلموها منين ? و اتعملت أو مصنوعة من ايه ? – شاركهم اللي بيحصل ورا الكواليس، حاجات حصرية زي مثلا لو احتفال أو حدث مهم أو تجهيز لمقابلة تليفزيونية أو صور لتصوير اعلان أو فيلم – استخدم انستجرام انك تعرف الناس طرق جديدة لاستخدام المنتج و شجعهم يشاركوا ازاي بيستخدموه و انشر احسن الطرق فيهم… لو مجال شغلك في المكياج أو ستايل الشعر أو الديكور او التصميمات حاول تستخدم صور (قبل و بعد) تأثيرها قوي جدا و هيظهر جودة شغلك و بالتالي المتابعين هتزيد. – خلي المتابيعين معاك مهما روحت، خليهم يحسوا أنهم مميزين علشان متابعينك و ده بصور واقعية و حصرية أو صور مع الموظفين أو زملائك في العمل مع تعريف لكل شخص في ال caption ودي فرصة المتابعين يعرفوا مين اللي ورا المنتج أو الخدمة دي. – و عدد المتابعين مهما زاد لو مفيش وقت تتفاعل معاهم مش هيكونوا متابعين دايمين و مش هيتحولوا ل customers.

ثانياً: لو انت شخص عاوز تزود متابعينك، دي طرق ممكن تجيب نتيجة كويسة – اعمل like لأي صور تقابلك للناس اللي في target audience، و خلي في تفاعل أكبر ب like أو comment لصور اصحابك أو المشهورين. – اربط انستجرام بباقي accounts بتاعتك على السوشيال ميديا. – استخدم hashtags معروفة انها بتساعد في زيادة الfollowers زي #instafollow #followback مثلاً و hashtags علشان صورك تظهر في ال search زي #photooftheday #instagood #love. – ادخل في مسابقات الصور اللي بأكبر عدد likes للصورة علشان تكسب. – سيب احسن صور مش لازم الصور تكون كتير و ملهاش معني. – بلاش صور فيها filters كتير و صور تكون منورة. – نزل صور معبرة و ممكن تحتها قصة مشوقة أو موقف يعمل تفاعل، و ممكن صور فيها quotes.

** ممكن كمان تشاركنا بأي طريقة جديدة free عملتها و نجحت و غيرك يستفاد .

1 comments On ازاي تزود ال followers على انستجرام ؟!

  • نصائح حلوة، أنا شخصيا أزودهم فالبداية باستخدام سرفرات مثل media-monsters.com و drd3m.com عشان ابني دليل اجتماعي وبعدين اعمل باللي انت قولت عليه

Leave a reply:

Your email address will not be published.