قرارات متأجلة من السنة للسنة

– هظبط نومي بقى و انام بدري و اصحى بدري علشان متأخرش على مواعيدي – هحوش فلوس – هروح الجيم و اخس و اظبط الفورمة قبل ما اسافر في الصيف – هسافر كل ما تيجي فرصة – هحوش فلوس علشان الجيم و علشان اسافر – هاخد كورسات تفيدني و هعلم نفسي أي حاجة جديدة – هحوش علشان اخد كورسات

– هزور أماكن جديدة و اتعرف على ناس جديدة – هنظم اكلي و منزلش من غير فطار، و هقلل بيبسي و اشرب ماية كتير – هفضي وقت لهواياتي و هقرا كتب كتير – هعرف مكان كل حاجاتي اللي مش لاقيها قبل ما ماما هي اللي تيجي و تجبهالي grin emoticon

***قرارات معظمهما بتتأجل من السنة للسنة.. كل ما تبدأ سنة جديدة بتخطط تاني وانت متحمس وشوية وتنسى أو تتلهي. بس لازم نفكرك بالأساس و هو انت، جواك انت لازم يتغير للأحسن و علشان ده يحصل زود دول كمان smile emoticon

– هقلل وقتي على السوشيال ميديا و هساعد باللي اقدر عليه ف شغل البيت – هواظب على الصلاة – هفكر في مستقبلي و انسى اللي فات و أفكر كويس قبل ما اخد اي قرارات – مش هبقى سلبي! هواجه و أحل مشاكلي بنفسي – هحاول أبقى مصدر سعادة لأي حد أعرفه أو معرفهوش – مش هكسل اقدم مساعدة لحد و هفرح كل يوم حد بابتسامة أو دعوة أو كلمة شكر أو هدية – مش هكابر لما اغلط هعتذر و أحاول أصلح غلطي

– و أخيرا اكتب كل اللي ناوي تحققه السنة دي في notebook و كل ما تنجز حاجة اعمل صح جنبها.. هتحس بحماس وانتصار صغير كدة،، و على آخر السنة تكون مشطب كل ده.

مأجل إيه تاني ؟!

1 comments On قرارات متأجلة من السنة للسنة

  • to do list الطريقة دى من أجمل الادوات اللى بتساعدنا على إنجاز المهام وتحقيق الافكار. عن نفسى فرقت معايا كتير بعد كورس كنت أخدته عن time management.

Leave a reply:

Your email address will not be published.