الثلاثاء , يونيو 19 2018
الرئيسية / أعمال / شركات / الثقة بالنفس فى 7 خطوات

الثقة بالنفس فى 7 خطوات

اكيد مش هنقولك ازاي تثق بنفسك, علشان دي حاجة بتختلف من شخص لشخص, لكن جبنالك بعض الحاجات اللي هتساعدك علشان تزود ثقتك بنفسك..

1- Dress Sharp

إلبس كويس
أكيد اللبس مش بيحدد طبيعة الشخص ، بس أكيد بيأثر في إحساسك بنفسك .. لما يكون شكلك وحش ، معاملتك مع الناس بتتغير للأوحش .. إستخدم القاعدة دي لصالحك وإهتم بلبسك لو عايز تبقى واثق في نفسك أكتر
————————————————————————
Walk Faster -2

إمشي أسرع
أسهل طريقة عشان تعرف الشخص بيحس بإيه ، إنك تشوف مشيته .. هل هيا بطيئة ؟ متعبة ؟ موجوعة ؟ .. ولا مليانة بالطاقة والحيوية ؟
الأشخاص الواثقة في نفسها بتمشي أسرع نسبيا .. بيبقو محددين أماكن يروحوها وناس يشوفوها وأهداف يحققوها .. حتى لو مش محدد حاجة ومش مستعجل .. مشيك 25 % أسرع بيزود الحيوية عندك
————————————————————————
3- Good posture

إقعد كويس
الناس اللي كتافها مرخية وحركاتها كلها كسلانة بيميلو للإحساس – غالبا – بعدم الثقة في النفس .. مبيبقوش متحمسين للي بيعملوه ومش حاسين إنهم مهمين فيه
إقعد بإستقامة .. خلي راسك لفوق .. وحافظ على نظرات عينيك .. كده هتسيب إنطباع كويس عند الناس وبالتالي هتحس أكتر بالطاقة والثقة
————————————————————————
Remember Success -4

إفتكر نجاحك
لما بتركز أوي على اللي إنت عايزه ، عقلك بيخترع أسباب هتخليك متوصلش للحاجة اللي في دماغك .. ودا بيخليك ضعيف ومش قادر تثق في نفسك.
إقعد مع نفسك كل يوم وفكر إيه الحاجات اللي إنت ممتن لحصولها .. إفتكر نجاحاتك .. ومهاراتك .. هتلاقي عندك ثقة كافية للخطوة الجاية.
————————————————————————
Speak up -5.

إتكلم
أثناء النقاشات الجماعية .. في ناس مبتحبش تتكلم خالص عشان خايفة يقولو حاجة الناس يتريقو عليها .. بس الحقيقة إن الناس في العموم مبيفكروش بالطريقة دي .. بالعكس بيبقى في ناس بردو خايفة تعبر عن رأيها لنفس السبب
لما تحاول تتكلم على الأقل مرة في النقاش .. قدرتك على الكلام هتزيد .. وثقتك بنفسك وبأفكارك هتكبر .. والناس هتعترف بيك كقائد
————————————————————————
Work out -6.

إتمرن
اللياقة البدنية ليها تأثير كبير على الثقة بالنفس .. لو جسمك مش متناسق ، هتحس بإنعدام الطاقة والجاذبية
بالتمرين .. هتحسن شكلك .. هتشحن طاقتك .. وهيبقى عندك ثقة كافية عشان تعمل الخطوة الجاية
————————————————————————
Be in front -7 .

خليك في الأول
في المدرسة والمكتب .. الناس بيميلو للقعدة ورا في أخر الأوضة لأنهم بيبقو خايفين أن الناس تحط عينها عليهم .. ودا بيدل على عدم الثقة في النفس
لما تقعد قدام .. إنت كده بتتغلب على الخوف الغير منطقى دا .. وبتبنى ثقتك بنفسك .. دا غير إن الناس المهمة اللي بيبقو في أول الأوضة هيقدرو يشوفوك ويكتشفو مواهبك.

شاهد أيضاً

ازاي تكتشف شغفك في الحياة

مع كل الكلام اللي بتقابله عن ازاي تحسن من نفسك أو تنجح في حاجة بتعملها ...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *