الجمعة , مايو 25 2018
الرئيسية / تعليم / امتحان التوفل + التوفل الدولي

امتحان التوفل + التوفل الدولي

 

خلينا نتكلم شوية عن التوفل بالتفاصيل مش كلام سطحيأول سيكشن هيقابلك فى الامتحان هيكون Reading:
1- مدة كل passage فيه 20 دقيقة وبيكونوا من 3 إلى

5
2- مجالات ال passages بتكون Science fiction و history و science و literature


3- بيحتاج أنك تقرأ مقالات انجلش كتير وتكون بتعرف تفهم المضمون بسرعة وتاخد الفكرة العامة مش تقرأ كل التفاصيل

السيكشن التانى بيكون ال listening :
1- بيكون مدته من 60 إلى 90 دقيقة حسب عدد المقاطع وإلى بيكونوا بين 6 إلى 9 مقاطع يعنى كل واحد 10 دقايق
2- بيكون حوار بين طلاب و حوار بين طالب ودكتور ومحاضرة جامعية ..
3- بيحتاج تدريب وتتفرج على افلام من غير ترجمة وتسمع أغانى انجلش كتير

السيكشن التالت هو الSpeaking
1- ده مدته 20 دقيقة
2- بيكون سؤال تقول رأيك وسؤال عن تقرير هتسمعه .. وسؤال أخير عن موضوع تقراه وتسمع عنه مقطع صوتى برضه
3- بيحتاج تتكلم انجلش كتير وتكون هادى وواثق من نفسك عشان صوتك يكون واضح ومفهوم

السيكشن الأخير هو الWriting
1- بيكون مطلوب منك تكتب تقرير عن حاجة قريتها وسمعت عنها مقطع صوتى فى 20 دقيقة
2- بيكون مطلوب Essay وده بتكتب فيه عن موضوع بيحددهولك
3- بيحتاج تتدرب كتير على الكتابة بالانجلش وتستخدم تعبيرات تعبر عن رأيك وتكون صحيحة إملائيا


____________________________________________________________________________
التوفل الدولى (iBT) عامل رعب لكل الطلاب اللى بيقدموا على جامعات ومنح دراسية بره مصر .. فقلنا نعرفكم عنه أكتر
1- التوفل الدولى عشان تحجزه بتدخل موقع ETS وتدفع أون لاين وتحدد الميعاد والمكان المناسبين ليك
2- بيكون متاح ليك تبعت درجة الإمتحان لأربع جامعات ببلاش وكل جامعة زيادة بتدفع عليها 19 دولار .. فلازم تختار الجامعات دى بعناية وتكتب الكود بتاع كل جامعة صح

3- خد بالك وأنت بتسجل بيسألك عايز النتيجة على النت بس ولا شهادة ورقية كمان .. اختار الاتنين عشان

مترجعش تطلب الشهادة الورقية ب19 دولار تانيين .. واتأكد أنك كاتب العنوان صح

4
– متروحش الإمتحان من غير إثبات شخصية بيحمل اسمك وصورتك وامضاءك عشان محدش يمنعك من دخول الامتحان ويضيع عليك .. والشروط دى تنطبق على الباسبور فبيكون ضرورى عشان تدخل الامتحان 

5- أحسن وأشهر الكتب عشان تذاكرله منها هى Longman و Cambridge و Kaplan و Barron وبيكونوا شبه الإمتحان خصوصا Barron و Cambridge

6- لو معندكش فيزا نت بتضطر تدفع فى اميديست وبيكون بزيادة 400 ج

7- النتيجة بتظهر على الموقع فى فترة بين 10 و 21 يوم فاحجز بدرى وأعمل حسابك فى الوقت عشان ميفوتكش الديد لاين ..

 

تابعنا على ICareer Training

 

 

12314411_1038005352909482_783458463798299300_o

شاهد أيضاً

9 اسباب تخلى الـCV بتاعك يترمي فى الدرج

علشان توصل لوظيفة معينة او تتقبل فيها الشخص بيمر بشوية مراحل منها مراحل صعبة و ...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *